Mádenıet jáne sport mınıstri Aqtoty Raıymqulova halyq aldynda esep berý kezdesýinde mádenıet jáne sport salasyndaǵy mamandandyrylǵan mektep jáne kolledj pedagogteriniń jalaqysy jyl saıyn 2023 jylǵa deıin 20 paıyzǵa ulǵaıatynyn aıtty.
- Qazaqstanda ádebıet jáne óner qaıratkerlerine, talantty jastarǵa memlekettik qoldaýdy kúsheıtý maqsatynda beriletin Tuńǵysh Prezıdent – Elbasynyń mádenıet salasyndaǵy stıpendııasy 240-tan 660 aılyq eseptik kórsetkishke deıin ulǵaıtyldy, - dedi Aqtoty Raıymqulova.
Sondaı-aq ol ǵylym, mádenıet jáne óner salasyndaǵy daryndy jastar jyl saıyn Tuńǵysh Prezıdent – Elbasy qory premııasynyń laýreaty atanyp kele jatqanyn atap ótti.
- Erekshe mártebesi bar mádenıet jáne óner salasyndaǵy joǵary oqý oryndarynyń professor, oqytýshylar quramyna laýazymdyq jalaqy mólsherine 1,75 koeffısıenti saqtalyp otyr. 2020 jylǵy 1 qańtardan bastap Mádenıet jáne sport salasyndaǵy mamandandyrylǵan mektep jáne kolledj pedagogteriniń jalaqysy jyl saıyn 2023 jylǵa deıin 20 paıyzǵa ulǵaıyp otyrady, - dedi mınıstr.